Ардчилсан нам таван татварыг таван хувь болгох бодлогоо танилцууллаа

2026-06-11

Ардчилсан намын "4:11 мэдээллийн цаг" ээлжит хэвлэлийн бага хурал өнөөдөр Төрийн ордны III давхарт болж, таван татварыг таван хувь болгох иж бүрэн бодлогын баримт бичгийг урьдчилсан байдлаар танилцууллаа.

May be an image of text

Ардчилсан намын дарга О.Цогтгэрэл "Эдийн засгийн буруу бодлогогын улмаас иргэдийн амьдрал өдрөөс өдөрт доройтож байна. Тиймээс Ардчилсан нам болон намын дэргэдэх бодлого, судалгааны байгууллагаас татварын иж бүрэн шинэчлэлийн үзэл баримтлалыг боловсруулан урьдчилсан байдлаар танилцуулахад бэлэн болоод байна.

Ардчилсан нам 2006 онд эдийн засгийн өсөлт, ажлын байр, хөрөнгө оруулалтыг дэмжсэн 4/10 шинэчлэлийн татварын бодлогыг хэрэгжүүлж байсан туршлагатай. Харин өнөөдөр Монгол Улсад иж бүрэн татварын шинэ бодлого ус агаар мэт хэрэгтэй болжээ. Иймээс Ардчилсан намаас “5/5” буюу таван татварыг таван хувь болгох иж бүрэн бодлогын баримт бичгийг урьдчилсан байдлаар ийнхүү танилцуулж байна. Үүнд:

✅Нэмэгдсэн өртгийн албан татварыг 5 хувь болгох,
✅Гаалийн татварыг 5 хувь болгох,
✅Хүн амын орлогын албан татвар дотроо цалингийн орлогын дээд хэмжээг 5 хувиас хэтрүүлэхгүй байх,
✅Аж ахуйн нэгжийн орлогын албан татварыг 5 хувь болгох, түүнтэй холбоотой ногдол ашгаа авч шинээр хөрөнгө оруулах зэрэг татваруудыг 5 хувь болгох ёстой.

Бид 5/5 бодлогын баримт бичгийг хуулийн төслийн түвшинд бэлдэж эхэлнэ. МАН татварын бодлогыг төсвийн орлого бүрдүүлэх, сонгуулийн халамжийг санхүүжүүлэх хэрэгсэл гэж үздэг бол Ардчилсан нам татварын бодлогыг хөрөнгө оруулалт татах, ажлын байр нэмэгдүүлэх, эдийн засгийн өсөлтийг дэмжих үндсэн хөшүүрэг гэж үздэг" хэмээн ярилаа.

May be an image of text

Үргэлжлүүлэн УИХ-ын гишүүн С.Эрдэнэболд "Эрх баригч намыг авлигатай бодитоор тэмцэж чадахгүй байна. Ядуурал улам бүр газар авч байна гэж иргэд өнөөдөр шүүмжилж байна. Сүүлийн 10 жил дангаар ноёрхсон эрх баригчдын бодлогод хазаар ногт болооч хэмээн ард түмэн бидэнд захиж байна. Сүүлийн тавхан жилийн үнийн өсөлтийг харахад л иргэдийн амьдрал ямар хүнд байдалд орсныг харж болно.

Төмсний үнэ 223 хувь, үхрийн махны үнэ 132 гаруй хувь, талхны үнэ 128 хувь, хонины махны үнэ 119 хувиар тус тус өссөн. 10 жилийн өмнө 26 мянган төгрөгөөр 4 кг мах авдаг байсан бол одоо 980 гр мах авч байна. Гэтэл Засгийн газар ард түмнийхээ амьдралыг мэдрэхгүйгээр популист амлалтууд ярьсаар л.

May be an image of steak and text that says '2016 26K-4Kr -4Kr 26κ 2021 2021m2026 2026 26K-2Kr 26K-2Kr-26K-980rp 26K 2Kr r26K-980rp 126K 980rp UAAWИA ?'

Иргэдэд гоё уриа бус, амьдралыг нь сайжруулах бодит үр дүнтэй бодлого хэрэгтэй. Тиймээс МАН эдийн засгаа эрүүлжүүлж, авлигатай тэмцэх ажлаа эрчимжүүлэх шаардлагатай байна. Хоосон уриа ярьж, элдэв татвараас чөлөөлнө гэж ярьдаг ч дарга нарынхаа үрэлгэн зардал, тансаг хэрэглээ, төсвийн мөнгөөр санхүүждэг давуу эрхүүдийг цэгцлэх хэрэгтэй" гэлээ.

Сэтгэгдэл