Нийтийн албан тушаалтны 2025 оны хувийн ашиг сонирхол, хөрөнгө орлогын мэдүүлгийг шинэчлэн гаргах хугацаа 2026 оны 2 дугаар сарын 15-ны өдөр дуусна. Мэдүүлэг гаргах эрх 2026 оны 1 дүгээр сарын 1-ний өдөр Авлигатай тэмцэх газрын https://meduuleg.iaac.mn/ цахим системд нээгдэж, нийтийн албан тушаалтнуудын мэдүүлгээ гарган бүртгүүлэх ажил улсын хэмжээнд эхлээд байна.
Мэдүүлгийн бүрдүүлэлтийн цахим систем https://meduuleg.iaac.mn/-ийн шинэчлэл, өөрчлөлтийн агуулга, ашиглах горимын талаарх сургалтыг мэдүүлгийг бүртгэх, хадгалах эрх бүхий албан тушаалтнуудад зориулан 2026 оны 1 дүгээр сарын 6-7-ны өдрүүдэд тус газраас улсын хэмжээнд цахим хэлбэрээр зохион байгуулсан байна.