Чуулганы хуралдаан хойшиллоо

2026-03-19

Өнөөдөр УИХ-ын нэгдсэн чуулган хуралдаж, Эрчим хүчний сайд, Боловсролын сайд нарыг чөлөөлөх, томилох асуудал болон Үндсэн хуулийн цэцийн дүгнэлтүүдийг хэлэлцэх байсан ч ирц хүрэхгүй байгаа тул хуралдаан хойшиллоо.

УИХ дахь Ардчилсан намын бүлгээс УИХ-ын дарга Н.Учралыг МАН-ын даргын албан тушаалаа өгтөл чуулганы хуралдаанд оролцохгүй гэдгээ мэдэгдсэн. Энэ нь чуулганы ирц бүрдэхгүй байхад гол нөлөө үзүүлж байна.

Иймээс УИХ-ын дарга Н.Учрал чуулганы индрээс Ардчилсан намынхны хуулиа хэрэгжүүлж, чуулганы хуралдаандаа суухыг уриаллаа. Намын дарга хүн УИХ-ын дарга хийж болохгүй гэсэн хууль байхгүй. Хэрвээ хуульд тусгасан зүйл шаардвал нээлттэй. Хуулинд тусгаагүй зүйл шаардаж, чуулганы үйл ажиллагааг зогсоох нь буруу гэж мэдэгдлээ.

МАН-ын хувьд УИХ-д 68 суудалтай олонх учраас зөвхөн өөрсдийн гишүүдээрээ ирцээ бүрдүүлээд хуралдах боломжтой. Гэвч МАН-ын гишүүд бүгд ирээгүй тул чуулганы ирц бүрдэхгүй байна.

Сэтгэгдэл