Хууль зүйн байнгын хорооны тогтоолоор Шүүхийн ерөнхий зөвлөл (ШЕЗ)-ийн болон Шүүхийн сахилгын хороо (ШСХ)-ны шүүгч бус гишүүнийг сонгон шалгаруулах үүрэг бүхий ажлын хэсгийг байгуулсан.
Ажлын хэсэг 2021 оны 04 дүгээр сарын 07-нд хуралдаж, сонгон шалгаруулалтад оролцох хүсэлт ирүүлсэн хүн тус бүрээр хэлэлцэн Шүүхийн ерөнхий зөвлөлийн болон Шүүхийн сахилгын хорооны шүүгч бус гишүүний сонгон шалгаруулалтад оролцох 53 иргэнийг нэр дэвшигчээр бүртгэсэн. /Доорх холбоосон дээр дарж оролцогчдын мэдээлэлтэй танилцана уу/
ШЕЗ-ийн болон ШСХ-ны шүүгч бус гишүүнийг сонгон шалгаруулах журмын 9.1-д заасны дагуу нэр дэвшигчээс асуух асуулт, саналыг Galsanbatb@parliament.mnцахим хаягаар 14 хоногийн хугацаанд хүлээн авах тул сонирохсон асуулт, саналаа ирүүлэх боломжтой.
Нэр, хаяггүй асуулт, саналыг хүлээн авахгүй болохыг анхаарна уу. Асуулт, саналыг бичгээр ирүүлэх бол Төрийн ордон, Хууль зүйн байнгын хороо, 327 тоот гэсэн хаягаар ирүүлнэ үү.