Жил бүр багадаа 500 гаруй сая ам. доллар эх орон руугаа шилжүүлдэг хилийн чанадад суугаа Монгол Улсын 200 мянга орчим иргэд өнөөдөр УИХ-д өөрсдийн гэх төлөөлөлгүй байна.
Намын жагсаалтад санал өгөх эрх нээгдэх гэж буй нь сайшаалтай ч өөрсдийн шууд төлөөллөө сонгох эрхгүй байгаа нь Монгол Улсын иргэний үл ялгаварлагдах, тэгш сонгох зэрэг Үндсэн хуулийн суурь эрхүүд нь зөрчигдөж байна.
Иймд, тэдний эрх ашгийг хамгаалах, шууд төлөөлөх УИХ-ын гишүүнтэй болгохын тулд сонгуулийн тусгай тойргуудыг бүс бүсээр нь гаргаж УИХ-ын сонгуулийн тухай хуульд тусгахыг УИХ-ын гишүүдээс шаардаж байна.
Дэлхийд 115 улсын иргэд гадаадаас санал өгөх эрхээ бүрэн эдэлж байгаа бөгөөд тусгай тойрог гаргасан (Франц, Итали, Португал, Колумб г.м.) 11 улс байна.