Сүүлийн жилүүдэд төрийн өмчит компаниудын удирдах болон мэргэжлийн албан тушаалын сонгон шалгаруулалт ил тод бус, тэгш боломжийг хангахгүй байгаа талаар иргэдийн дунд олон нийтийн шүүмжлэл тасрахгүй байна.

Зарим ажлын байрны сонгон шалгаруулалтын мэдээлэл нийтэд хангалттай хүрдэггүй, шалгаруулалтын шалгуур, үнэлгээний явц болон эцсийн сонголтын үндэслэл олон нийтэд ил тод биш байгаа нь иргэдийн төрд итгэх итгэлд сөргөөр нөлөөлж байна.

Иймд төрийн өмчит аж ахуйн нэгжүүдэд дараах өөрчлөлтийг хэрэгжүүлэхийг хүсье.

• Бүх сул орон тоог нэгдсэн цахим системээр нийтэд нээлттэй зарладаг болох.
• Сонгон шалгаруулалтын шалгуур, үнэлгээний аргачлалыг урьдчилан нийтэлдэг болох.
• Анхан шатны шалгаруулалтад тэнцсэн болон тэнцээгүй шалтгааныг ил тод мэдээлдэг болох.
• Ярилцлагын үнэлгээ, онооны жинг нийтэд мэдээлдэг болох.
• Сонгон шалгаруулалтад хараат бус хөндлөнгийн ажиглагч оролцуулах боломж бүрдүүлэх.
• Шаардлагатай тохиолдолд ажил горилогчийн хувийн мэдээллийг олон нийтэд мэдээллэх зөвшөөрлийг авсан байх.

Энэхүү өөрчлөлтийг хэрэгжүүлснээр төрийн өмчит компаниудад ажиллах боломж иргэн бүрт тэгш хүртээмжтэй болж, хүний нөөцийн сонгон шалгаруулалт шударга, ил тод болохоос гадна төрийн байгууллагад итгэх олон нийтийн итгэл нэмэгдэх ач холбогдолтой гэж үзэж байна.