УИХ-ын гишүүн Ц.Сандаг-Очир нь АТГ-д 2022 онд гаргасан хөрөнгө орлогын мэдүүлэгтээ Скути майнд ХХК (6777198) 50ш хувьцаа 50% эзэмшдэг гэж мэдүүлсэн.

Скути майнд ХХК-ийн үйл ажиллагааны чиглэлийг хуулийн этгээдийн улсын бүртгэлийн мэдээллээс шүүж үзэхэд үйл ажиллагааны нэг чиглэл нь "Төлбөр эсвэл гэрээний үндсэн дээр хийгдэх бөөний худалдаа" байна.

Монгол Улсын их хурлын чуулганы хуралдааны дэгийн тухай хуулийн 14.10.Гишүүн хэлэлцэж байгаа асуудалтай шууд холбоотой үйл ажиллагааны үр дүнд өөрөө болон гэр бүлийн гишүүд нь орлого олж байгаа, эсхүл бусад хэлбэрээр ашиг сонирхлын зөрчилтэй бол энэ тухай хуралдаан даргалагчид урьдчилан мэдэгдэж санал хураалтад оролцохгүй... гэж заасны дагуу УИХ-ын гишүүн Ц.Сандаг-Очир нь уг салбарт ашиг сонирхлын зөрчилтэй тул уг асуудлыг хэлэлцэх хуралдааны санал хураалтад оролцохоос татгалзаж, хуралдаан даргалагчид мэдэгдэх үүрэгтэй.