Хуулийн төслийн үзэл баримтлалд дараах асуудлыг тусгадаг. Үүнд:

• Хууль тогтоомжийн төсөл боловсруулах болсон үндэслэл, шаардлага
• Хууль тогтоомжийн зорилго, ерөнхий бүтэц, зохицуулах харилцаа, хамрах хүрээ
• Хууль тогтоомж батлагдсаны дараа үүсч болох эдийн засаг, нийгэм, хууль зүйн үр дагавар, тэдгээрийг шийдвэрлэх талаар авч хэрэгжүүлэх арга хэмжээний санал
• Хууль тогтоомжийн төсөл Монгол Улсын Үндсэн хууль, Монгол Улсын олон улсын гэрээ болон бусад хуультай хэрхэн уялдах, хуулийг хэрэгжүүлэхэд шинээр боловсруулах, хуульд нэмэлт, өөрчлөлт оруулах, хүчингүй болсонд тооцох тухай хууль тогтоомжийн талаарх санал

Хууль тогтоомжийн төслийг үзэл баримтлалд нь нийцүүлэн боловсруулна.

Хуулийн төслийн танилцуулгад дараах мэдээллийг тусгана. Үүнд:

• Хуулийн төслийн ерөнхий агуулга, зохицуулах харилцаа, хуулийн төсөлд тусгасан зарчмын шинжтэй зохицуулалтын талаар
• Тухайн харилцааг урьд нь хууль, эрх зүйн бусад актаар зохицуулж ирсэн байдал
• Хуулийн төслийг боловсруулахтай холбогдуулан хууль санаачлагчаас авч хэрэгжүүлсэн арга хэмжээ
• Хуулийн төслийг олон нийтээр хэлэлцүүлсэн дүн
• Гадаад орны туршлага, бусад судалгаа, шинжилгээний тайлангийн дүгнэлт

​

​Хууль тогтоомжийн тухай хуулиас дээрх агуулгатай холбоотой зохицуулалт, дэлгэрэнгүй мэдээллийг харах бол энд дарна уу.