УИХ-ын Тамгын газрын Нарийн бичгийн дарга С.Магнайсүрэнгийн захиалгаар “Хотын тухай гадаадын зарим улс орны Үндсэн хуульд зохицуулсан байдал” сэдэвт харьцуулсан судалгааны ажлыг Судалгааны төвийн ахлах судлаач Ц.Товуусүрэн, Б.Буяндэлгэр, судлаач П.Амаржаргал, Б.Хатантуул нарын бүрэлдэхүүнтэй баг гүйцэтгэв. Энэхүү судалгааг хийхдээ гадаадын санамсаргүй сонгосон 19 орны Үндсэн хуулийн Засаг захиргаа, нутаг дэвсгэрийн нэгжийн өөрөө удирдах байгууллага гэсэн бүлэгт хотын тухай асуудал тусгалаа олсон эсэхийг харуулахын тулд тэдгээр улс орнууд засаг захиргаа, нутаг дэвсгэрийн хувьд яаж хуваагддаг тухай зүйл заалтуудад голлон анхаарсан бөгөөд мэдээллийн бусад эх үүсвэрээс одоогийн байдлаар хуулийн дагуу байгуулагдсан муж, бүсийн тоо, түүний бүрэлдэхүүнд орж байгаа хотуудын талаар олж харуулах зорилго тавьсан болно.