Сүүлийн үед парламентын шинэчлэлийн асуудлын хүрээнд Монгол Улсын Ерөнхий сайд, МАН-ын дарга Сү.Батболд 2 танхимтай парламентын асуудлыг хөндөн ярьж, улс төрчид болон олон нийтийн дунд тодорхой мэтгэлцээн, санал шүүмжлэл өрнөж байна. УИХ-ын Тамгын газрын Судалгааны төв энэ асуудалд анхаарал хандуулан өөрийн чиг үүрэгт заасны дагуу дэлхийн 56 улсын 2 танхимтай парламент, тэдгээрийг бүрдүүлж байгаа хэлбэр, танхим тус бүрийн бүрэн эрх, харилцан хамаарал, хууль хэлэлцэн баталж буй процедур зэргийг харьцуулан судалж “Гадаадын зарим орны хоёр танхимтай парламентын талаархи судалгаа” сэдэвт судалгааны тайланг хүргүүлж байна.