Монгол Улсын Их Хурлын гишүүн Су.Батболдын захиалгаар “Орон нутгийн сонгуульд улс төрийн намууд оролцох нь” сэдэвт харьцуулсан судалгааг Улсын Их Хурлын Тамгын газрын Судалгааны төвийн ахлах референт Ц.Товуусүрэн (Дэлхийн улс орнуудын орон нутгийн өөрөө удирдах байгууллагуудын хөгжлийн туршлага), ахлах референт Р.Хатанбаатар (Казахстан, Унгар), судлаач Б.Ариунжаргал (Канад), Б.Хатантуул (Чили, Испани), Г.Билгээ (Франц), Ц.Болормаа (Словени), Г.Гэрэл (Шинэ Зеланд), О.Нарантуяа (БНСУ) нар хийж гүйцэтгэлээ. Дэлхий дахины нийгмийн хөгжлийн орчин үеийн түвшинд орон нутгийн өөрийн удирдлагын янз бүрийн загварууд байдаг. Тухайн загварын хүрээнд төлөөллийн байгууллага нь ямар эрх хэмжээний хүрээнд ажилладаг, орон нутгийн сонгогдох зарчмын талаар бидний хийсэн судалгаа тодорхой ойлголтыг өгнө гэдэгт найдаж байна.