Улсын Их Хурлын гишүүн Н.Батбаярын захиалгын дагуу “Шүүхийн ерөнхий зөвлөлийн эрх зүйн зохицуулалтын зарим асуудалд” сэдэвт судалгааны ажлыг хийж гүйцэтгэв. Энэхүү судалгааны хүрээнд Шүүхийн ерөнхий зөвлөлийн үйл ажиллагааны өнөөгийн эрх зүйн орчин, түүний тулгамдсан асуудал, гадаадын зарим орны ижил төстэй байгууллагуудын зохион байгуулалт, бүтэц, удирдлага, Шүүхийн ерөнхий зөвлөлийн удирдлагыг томилох асуудал нь шүүхийн бие даасан, шүүгчийн хараат бус байдлыг хангах баталгаа болж чадаж байгаа эсэх асуудлыг хөндсөн болно. Өөрөөр хэлбэл, Шүүхийн ерөнхий зөвлөлийн даргыг томилох асуудал нь Үндсэн хуулийн зарчимтай хэрхэн нийцэж байгаа эсэх талаар судлан үзэн боломжит зарим хувилбарыг авч үзэв.