Төрийн албан хаагчдын талаарх тоо бүртгэл, төрийн албанд шинээр нэмэгдсэн орон тоо, тэдгээрт зарцуулагдах төсвийн зардлын хэмжээг холбогдох байгууллагуудаас ирүүлсэн мэдээлэл, судалгаанд тулгуурлан нэгтгэн гаргах боломжгүй байна. Учир нь улсын хэмжээнд нийт 4000 орчим төрийн байгууллага байдаг ба тооллогыг явуулах аргачлал нь төрийн албан хаагчийн ангилал зэрэглэл болон яам, агентлагийн гэх мэт салбар чиглэлээр нь бүртгэлийг багцалж гаргадаг тухай Төрийн албаны зөвлөлөөс тайлбар өгсөн болно.