Боловсрол эвсэл энэхүү аргачлалыг 2025 онд гишүүн байгууллагуудаараа хэлэлцүүлэн сайжруулж, эцэслэн та бүхний гар дээр тавьж байна. Уг аргачлал нь ЕБС-ийн сурах бичгийн агуулгыг текст, дүрслэл, зураг, дасгал зэрэг бүх хэсэгт жендэрийн эрх тэгш байдал, олон талт ялгаатай байдлыг хүлээн зөвшөөрсөн байдлаар тусгах боломжтой хялбаршуулсан ерөнхий хүрээг санал болгосноороо онцлог. Сурах бичиг боловсруулах үйл явцад оролцож буй бүх мэргэжилтэн жендэрийн асуудлаар гүнзгий мэдлэгтэй байх шаардлагагүй ч, энэхүү аргачлал, чиглэл, анхаарах агуулгыг баримтласнаар жендэрийн мэдрэмжтэй, эрх тэгш байдлын агуулгыг хангасан сурах бичиг боловсруулах бүрэн боломжтой.