Монгол Улс намын жагсаалт бүхий сонгуулийн системийг хэрэглэж буйн хувьд намын дотоод ардчилал анхаарал татсан асуудал байна. Дотоод ардчилал намд төлөвшсөн эсэхээс хамаарах үр дагавар тогтолцооны хэмжээнд яригдах боломжтой. Иймд уг ойлголтыг тодорхой судалж, хэрхэн зохицуулах тухай зохист шийдлийг эрэлхийлэх чухал. Энэ илтгэлээр намын жагсаалт бүхий сонгуулийн системийн хүрээнд намын дотоод ардчиллын тухай авч үзэх ба заавал мөрдөх хэм хэмжээ болгох шаардлагатай юу гэдэгт хариулт өгөхийг зорьсон.