Төрийн байгууллагын цахим хуудасны ил тод байдлын мониторингийг 2011, 2014, 2015, 2016, 2017, 2018 онуудад тус тус хийж гүйцэтгээд байна. Үр дүнгээс харвал, төрийн байгууллагын цахим хуудаснууд тогтсон стандартгүй, мэдээллээ тогтмол шинэчлэдэггүй, иргэдэд хүрэх ёстой мэдээллийг цахим хуудастаа байршуулдаггүй зэрэг нийтлэг дутагдлууд байна. Тиймээс, жил болгон давталттай хийж буй энэхүү мониторингийн тайлан нь төрийн байгууллага бүрээр цахим хуудасны үр ашигтай байдал хэрхэн сайжирч эсвэл муудаж буйг бүртгэн гаргаж, эрэмбэ үүсгэн, тогтмол сайжуулах хөшүүрэг болж байгаагаараа үнэ цэнэтэй ажил болж буй юм.