Судалгаанд авагдсан орнуудын хувьд органик хүнс үйлдвэрлэх, баталгаажуулах, хадгалах, тээвэрлэх, экспортлох, импортлох, хяналт тавихтай холбоотой харилцааг тусгайлсан хуулиар, эсхүл хүнсний аюулгүй байдлын тухай хуулиар зохицуулж байна. Тухайлбал, органик хүнс үйлдвэрлэх стандарт шаардлага, магадлан итгэмжлэх, бүтээгдэхүүнийг баталгаажуулах, улсын бүртгэлд бүртгэх болон органик хүнсний үйлдвэрлэлийг дэмжихтэй холбоотой асуудлуудыг дээрх хуулийн хүрээнд нийтлэг байдлаар зохицуулж байгаа нь судалгаанаас харагдаж байна.