Судалгааны зорилго гадаадын зарим орны дуу чимээний бохирдлын стандарт, түүнээс урьдчилан сэргийлэх, орчны аюулгүй байдлыг хангахтай холбоотой хяналтын эрх зүйн зохицуулалтын орчныг харьцуулан судлахад чиглэгдэнэ. : Судалгаанд дуу чимээний бохирдлын талаарх дэлхийн Эрүүл мэндийн байгууллага (ДЭМБ)-ын зөвлөмж, АНУ, Герман, Япон,Солонгос, Энэтхэг зэрэг 5 орны туршлагыг хамруулсан. Олон улсын туршлага, эрх зүйн орчны хүрээнд дуу чимээний бохирдолтой холбоотой дараах асуудлыг судаллаа. Үүнд: - Дуу чимээний бохирдлын тухай олон улсын зөвлөмж, холбогдох стандарт, нийтлэг асуудал; - Монгол Улсын дуу чимээний бохирдлын эрх зүйн зохицуулалт; - Бусад орнуудын туршлага: - Дуу чимээний бохирдлын эрх зүйн зохицуулалт; - Дуу чимээний бохирдлын асуудлыг хариуцдаг төрийн байгууллага, бүтэц, зохион байгуулалт; - Дуу чимээний бохирдлын эх үүсвэрүүд, тэдгээрээс урьдчилан сэргийлэх, аюулгүй байдлын хяналтын зохицуулалтын талаарх асуудлууд.