Сэдвийн хүрээнд захиалагчаас ирүүлсэн хүсэлтийн дагуу эмэгтэй бизнес эрхлэгчдэд холбогдох эрх зүйн орчин ба нөхцөл байдлыг олон улсын туршлага болон Монгол Улсын нөхцөл байдалтай харьцуулан судалсан. Судалгаанд эмэгтэй бизнес эрхлэгчдийн асуудлыг тусгайлсан хууль тогтоомжийн хүрээнд зохицуулдаг АНУ, БНСУ, Филиппин зэрэг орнуудыг сонгон авч хамруулснаас гадна Монгол Улсын бизнес эрхлэлтийн нөхцөл байдал, хууль эрх зүйн орчин болон эмэгтэй бизнес эрхлэгчидтэй холбоотой мэдээллийг тоймлон оруулсан болно. Судалгааны мэдээллийг дараах 4 бүлэг асуудлын хүрээнд боловсруулав. Үүнд: - Эмэгтэй бизнес эрхлэгчдийг дэмжих дэлхий нийтийн чиг хандлага; - Эмэгтэй бизнес эрхлэгчдийг дэмжихтэй холбоотой гадаадын зарим орны туршлага, эрх зүйн орчин; - Монгол Улс дахь бизнес эрхлэлтийн өнөөгийн байдал; - Монгол Улс дахь эмэгтэй бизнес эрхлэгчдийн өнөөгийн байдал зэрэг асуудлуудыг хамруулсан.