Малчдын боловсролын түвшин, малчдын боловсролын талаар төрөөс баримталж буй бодлого болон хэрэгжүүлж буй хөтөлбөрүүд, тэдгээрийн хэрэгжилттэй холбоотой лавлагаа, мэдээлэл гаргаж, тулгамдсан асуудлуудыг тодорхойлов. Судалгаанд Үндэсний Статистикийн Хороо (ҮСХ)-ний статистик мэдээлэл, холбогдох хууль, эрх зүйн актууд, УИХ-ын 2009 оны 39 дүгээр тогтоолын хавсралтаар батлагдсан "Төрөөс малчдын талаар баримтлах бодлого”-ын баримт бичиг, УИХ-ын 2010 оны 05-р сарын 20-ны өдрийн 23 дугаар тогтоолын хавсралтаар батлагдсан "Монгол мал” үндэсний хөтөлбөр болон холбогдох судалгаа, хөтөлбөрийн хөндлөнгийн үнэлгээний тайлангууд болон 2018 онд Хөдөлмөр, нийгмийн хамгааллын судалгааны институтээс явуулсан “Малчдын аж байдлын судалгаа”-г тус тус ашиглав.