1992 оны 01 дүгээр сарын 13-ны өдөр шинэ Үндсэн хууль батлагдсанаас хойш 2020 оны 12 дугаар сарын 31-ний өдрийг хүртэлх хугацаанд батлагдсан хуулиудад Монгол Улсын Ерөнхийлөгчийн бүрэн эрхийг заасан хуулиудыг шүүж гаргасан. Энэхүү ажлын үр дүнд Монгол Улсын Үндсэн хууль, Монгол Улсын Ерөнхийлөгчийн тухай хууль (1993)-иас гадна давхардсан тоогоор нийт 107 хуульд Монгол Улсын Ерөнхийлөгчид тодорхой эрхүүдийг олгосон байна. Үүнд, одоо хүчин төгөлдөр үйлчилж байгаа 64 хууль, хүчингүй болсон 43 хууль багтаж байна.