Энэхүү судалгаанд Их Британи, Австрали, Өмнөд Солонгос, Соломоны Арлууд, Герман, Шинэ Зеланд зэрэг улсуудын хууль тогтоох дээд байгууллага болох парламентын зүгээс иргэдэд парламентын боловсролыг олгож буй арга хэлбэр, туршлагын талаар судалсан болно. Судалгаанд дээрх улс орнуудыг сонгож авахдаа парламентын боловсролын агуулгыг олон янз хэлбэрээр хүргэж байгаа байдал, парламентын боловсролын агуулга сургуулиудын сургалтын хөтөлбөрт тусгагдсан байдал, сайн туршлага гэж хүлээн зөвшөөрөгдсөн байдал зэргийг шалгуур болгон сонгосон болно.