Дэлхийн улс орнуудад олгодог төрийн дээд шагнал (одон, медаль) болон парламентын нэрэмжит шагналын талаар тус хүрээлэнд 2009 оноос хойш 4 харьцуулсан судалгааны ажил хийсэн байна. Энэ удаа ХБНГУ-ын парламентын нэрэмжит шагналуудыг нэмж судлан уг судалгаанд багтаав. БНМАУ-ын Бага Хурлын тогтоолоор 1991 онд төрийн дээд шагнал болох “Эрдэнийн очир” одонг 3 (сувдан, шүрэн, оюун шигтгээт) зэрэг дэвтэйгээр сэргээн хэрэглэхээр тогтоож, олон улсын харилцааны шударга ардчилсан зарчмыг бататгаж, Монгол Улстай найрамдал, хамтын ажиллагааг бэхжүүлэхэд онцгой хувь нэмэр оруулсан гадаадын төр, засгийн газрын тэргүүн, төр, олон нийтийн зүтгэлтнийг шагнахаар журамласан боловч өнөөг хүртэл хэрэгжээгүй байна.