Энэхүү судалгааг Монгол Улсын шүүхийн тухай хуулийн шинэчилсэн найруулгын төсөлтэй холбогдуулан захиалагчаас ирүүлсэн хүсэлтийн дагуу дор дурдсан асуудлын хүрээнд гадаадын зарим орны туршлагыг судлав. Үүнд: Ром-германы болон Англо-саксоны эрх зүйн тогтолцоотой улсуудын Дээд шүүхийн гол ялгаа, онцлог;Дээд шүүхийн шүүгчдийн тоо болон түүнийг тогтооход харгалздаг хүчин зүйлс; шүүгчийн мэргэжлийн ур чадвар болон сахилгын хариуцлага алдсан алдаа, дутагдалд хэрхэн хариуцлага тооцдог байдал; анхан шатны журмаар хянан шийдвэрлэсэн бүх хэрэг маргааныг Дээд шүүхээр хянан хэлэлцдэг эсэх, түүний эерэг, сөрөг тал; Дээд шүүхэд тодорхой тохиолдолд хэрэг хянан хэлэлцдэг байдал; тойргийн болон дагнасан шүүхийг байгуулах эрх зүйн үндэслэл.