Судалгааны ажил нь: 1. Хууль боловсруулах, хэвлэн нийтлэх үйл явцад дэмжлэг үзүүлэх программ хангамжийн зорилго; 2. Хуулийн төсөл боловсруулалтад ашиглагдах мэдээлэл, технологийн системийн бүрэлдэхүүн гэсэн 2 хэсгээс бүрдэнэ. Энэхүү программ хангамж нь хуулийн төсөл боловсруулах ажлын хэсэг, хуулийн төслийг хэлэлцүүлэгт бэлтгэх албаны ажилд дэмжлэг үзүүлэх зорилготой бөгөөд программыг хэрэглэх болсноор зөвхөн хууль тогтоомжийг нэгтгэхээс гадна хууль тогтоомж боловсруулахад нэгдсэн нэг форматтай болгосноороо ач холбогдолтой болсон.