Олон улсын парламентын холбооны 2018 онд гаргасан тайлангаас үзвэл дэлхийн улс орнуудын 112 парламентын танхимын (үүнд хоёр танхимтай улс орнуудын дээд болон доод танхимууд орсон) 67% нь парламентын хуралдааны санал хураалтыг цахим систем ашиглан явуулдаг байна. Үүнээс хамгийн түгээмэл ашиглагдаж байгаа төхөөрөмжүүд нь гишүүний карт, эсхүл жетон (46%) болон гишүүн бүрийн суудалд суурилуулсан товчлуур (51%) байна. Зарим парламент хуралдааны санал хураалтад хоёр дахь шатны баталгаажуулалтыг ашигладаг ба судалгаанд хамрагдсан орнуудаас 13% нь биометрийн мэдээлэл (хурууны хээ)-ийг ашигладаг бол 10% нь нууц үг (pin code, password зэрэг) ашиглаж байна.