Тус судалгаанд нийт 9 улсын парламентын судалгааны албадын судалгааны бүтээгдэхүүнээ хэрхэн нийтэлж, олон нийтэд хүргэдэг талаар судалсан ба ерөнхийдөө нэгтгэж үзвэл энэ асуудлыг дараах байдлаар зохицуулсан байна. Үүнд: • Судалсан орнуудын ихэнх нь буюу бараг бүх улсын парламентын цахим хуудсанд Судалгааны албаны судалгаа, мэдээллийг нээлттэй байршуулдаг ба олон нийт ашиглах боломжтой. • Парламентын номын санд хадгалагдах судалгааны тайланг үзэх шаардлагатай энгийн үйлчлүүлэгч хүсэлт гаргаж зөвшөөрлийн дагуу үзэж болно. • Парламентын цахим мэдээллийн сан, цахим хуудсанд байршуулсан судалгааны мэдээллийг ашиглахдаа уг материалын эх сурвалжийг заавал дурдана. • Тодорхой тохиолдолд, тухайлбал, шүүх болон төсөв, улсын нууцад хамаарах асуудлаарх судалгааны тайлан, мэдээллийг онлайн болон хэвлэмэл байдлаар олон нийт ашиглах боломжгүй.