Цөмийн энергийн болон ураны баяжмалын асуудал нь ашигт малтмалын тухай хуулиар зохицуулагддаггүй, онцгой ашигт малтмал учир дэлхий нийтээрээ тусгайлан авч үзэж энэ төрлийн баялгийг эрж хайх, олборлох, ашиглах бүхий л шатанд төрийн оролцоо, хяналтыг хангаж ажиллаж байдаг. Олон улсын хэмжээнд НҮБ -ын дэргэдэх Олон улсын Цөмийн Энергийн Агентлаг (ОУЦЭА) “Уран ашиглалтын байдалд хяналт тавих, зохицуулалт хийх” үндсэн үүргийг хүлээж улс орнуудтай хамтран ажилладаг. Тус агентлаг нь дээрх үндсэн үүргийн зэрэгцээ шинжлэх ухааныг хөгжүүлэх, технологи дэлгэрүүлэх ажлыг хийдэг. Өөрөөр хэлбэл, цөмийн энергийн шинжлэх ухааны судалгаа, шинжилгээний ажилд давхар хяналт тавина. Дэлгэрэнгүйг судалгаанаас үзнэ үү.