Улсын Их Хурлын дэд дарга Г. Батхүүгийн захиалгаар “Нутгийн өөрөө удирдах байгууллагын үйл ажиллагаан дахь улс төрийн намын оролцоо, үүрэг, нөлөө, улс төрийн намуудын гишүүнчлэл, гишүүдийн орон нутгийн хуралд нэр дэвших эрхийн тухай” харьцуулсан судалгааг хийж гүйцэтгэлээ. Уг судалгааг Австри, Австрали, АНУ, Герман, Дани, Ирланд, Испани, Их Британи, Казахстан, Канад, Мексик, Молдов, Нидерланд, ОХУ, Польш, Словени, Солонгос, Унгар, Франц, Чили, Швед, Швейцарь, Эстони, Япон зэрэг улсуудын Үндсэн хууль болон холбогдох бусад хууль тогтоомж, мэдээлэл, судалгааны материалд үндэслэн хийсэн болно. Хэрэв шаардлагатай гэж үзвэл бусад нэмэлт мэдээллийг өмнө хийгдсэн судалгааны эмхтгэлүүдээс авч үзэж болно.