Судалгаанд хууль тогтоох дээд байгууллага болох парламентын зүгээс шинээр сонгогдсон парламентын гишүүдэд зориулсан чиглүүлэх сургалт болон тогтмол сургалт, түүний хөтөлбөрийг харьцуулан судлахыг зорьсон. Судалгаанд доорх улс орнуудыг сонгохдоо эрх зүйн орчин, эдийн засаг, сургалтын агуулгыг олон янз хэлбэрээр хүргэж байгаа байдал болон сайн туршлага гэж хүлээн зөвшөөрөгдсөн зэргийг шалгуур болгон сонгосон. Уг сэдвийн хүрээнд өмнө нь 2016 онд судалгааны хүрээлэнгээс (Тамгын газрын судалгааны хэлтэс) хийгдсэн харьцуулсан судалгаанд судлагдсан улс орныг хамруулахгүйгээр Польш, Азербайжан, БНСУ, ХБНГУ, Камбож, Шотланд, Энэтхэг, Пакистан улсуудыг судалсан болно.