1990 оны 12 дугаар сарын 14-ний өдрийн НҮБ-ын Ерөнхий Ассамблейн 45/106 дугаар тогтоолоор “Олон улсын Ахмадын өдөр”- ийг жил бүрийн 10 дугаар сарын 01-ний өдөр тэмдэглэн өнгөрүүлэхээр шийдвэрлэсэн бол Монгол Улсын Засгийн газар 1992 оноос эхлэн энэхүү өдрийг “Монголын ахмадын өдөр” болгон тэмдэглэн өнгөрүүлэхээр шийдвэрлэсэн байна. Анх 1991 онд олон улсын хэмжээнд ахмадын өдрийг тэмдэглэн өнгөрүүлснээс хойш дэлхий нийтээр 25 дахь жилдээ, Монгол Улсад 24 дахь жилдээ тэмдэглэн өнгөрүүлж байна. НҮБ-ээс Олон Улсын Ахмадын өдрийг жил бүр тодорхой уриан дор тэмдэглэн өнгөрүүлэхийг уриалдаг ба 2016 онд энэхүү өдрийг “Насаар ялгаварлахын эсрэг зогсоцгооё” уриатайгаар тэмдэглэн өнгөрүүлж байна.